قنديل أمو سيد

في ركن ضلمة
سميه حارة
سميه شق
سميه شيء
أمو سيد
علي جنب
متكومة
جنبها
قنديل
نوره خافت
من قلة زيته
وسؤ جودته
بالكاد تسمع انين
ما تقدر تميز
انين امو سيد
ولا ده انين قنديل
وهوا بيدور علي قطرة زيت
ترطب خيوطه
وتمنع أو تأخر رحيله
امو سيد
كان اول بكي ليها
في نفس المكان
من كام سنة
من زمان
من يوم ميلادها
اللي كأنه في يوم
ما كان
جسمها حفر
في جسم المكان
عنوان
والحصي ترك
في جسمها
ألوان
أمو سيد
من طينة الارض
وللطين تقول
يا ارض مهما هنتي
عليا ما تهوني
ولو كان سلاحي
قنديل ضيه بيرعش
بيه حـ أواجه عدوك واصده
وأفني جسدي
الفاني أصلاً
لمن أرده
يا ارض
ياللي عشت
فوقك سنين
ليا عندك
ضمه دافية
جواكي بحنين
وادي قنديلي
دليلي
بينطفي
ولو حصل
انتي الدليل