إمبارح
كنت قاعد علي الكنبة
سارح
فجأة قالولي هشام حايقول
قلت دا واد كلامه ورد وطارح
صعيدي اصيل
مالوش غير قلوبنا مطارح
--------------
صحيح واد مجدع
لما دعوه لحفل كتابنا
رد مسافر طب لما ارجع
تابعت الحلقة وانا مبسوط
وقت دخوله ارض المسرح
الجمهور هتف بحياته وعلا الصوت
هشام يا حبيبنا
أنتا اميرنا
ولو ما كسبتش
أحنا نموت
---------------
قعد متبسم
حبه وبلم
ولما اتكلم
قال ... تأشيره
ورجع سهم
ظهر علي وش اللجنه حبة حيره
-----------------
رد وقال ماهو لو شفت معايا المنظر
م راح تتكلم
سبح باسم الله كبدايه
ونسج صورة لحلم الوحدة
بس حكايه
سمعت كلامه وكنت مزأطط
واسقف وانا قاعد اتنطط
والجمهور في القاعة كمان
عمال كل شوية يسقف
ويقول عيد يا فنان
وهشام والله ما بيقصر
يقول ، يتفاعل ، ويعبر
ومحبته في قلبي بتكبر
وكلامه جوايا مأثر
-------------------
خلص هشام كلام تأشيره
وبيها يا هشام زدت معزه
في قلوب الناس السهيره
ربنا يحميك يابني يا عربي
ويبعد المخاليق الشريره
-----------------------
اهداء الي هشام الجخ تحية له علي قصيدته تأشيره في مسابقة اميرالشعراء وتمنيات له بكل توفيق ان شاء الله
