عيد سعيد علي الجميع ... يجعل أيامكم كلها كحك وغريبة وبتي فور
------------
يوم الأربعاء قد نشهد بث تعبيري لمحاكمة مبارك ... علي غرار صورة اسامة سرايا التعبيرية
------------
الظروف التي تمر بها البلاد حالياً وهذا المنعطف الثوري الخطير يستدعي أن تتوافق القوي الوطنية الغيورة علي الثورة علي مطلب
العيد أولاً
ولا يجب الإلتفات لإشاعات الرويني بأن الاعلان الدستوري تضمن أن رمضان أولاً يليه العيد
الجمعة القادمه (( الشعب يريد العيد أولاً )) ودي الارادة الشعبية
------------
السيد عصام شرف والمجلس العسكري : اللي حضر العفريت يصرفه ... تباطؤكم هو ما اضطرنا للبقاء في الميادين وعليكم اثبات حسن نواياكم حتي تستعيدوا بعضاَ من الثقة المفقودة
وبلاش تلجأوا لدجالين
------------
الثوار تعليقاً علي جمعة شق الصف : احنا اسفين يا ثورة
------------
الطبيب المعالج يمنع الرويني من اطلاق الاشاعات لمدة اسبوع وذلك ضمن خطة علاج سيادته من التهاب الاحبال الصوتيه
------------
قائد الاركان التركي استقال هو وكل قادة الاسلحة بعد لقاء جمعه مع رئيس الوزراء ورئيس الجمهورية التركيان
سؤال: اجتماع رئيس الوزراء شرف والقائد الاعلي طنطاوي إمتي ؟؟؟؟
------------
عجلة الانتاج في تركيا وقفت تماماً .... عشرات من جماعة ما يسمي خليك يا مجلس يعتصموا في ساحة اسطنبولي مطالبين بعودة السادة الرموز القائد الاعلي للقوات المسلحة وقادة الاسلحة التركية ... وخاصة اللواء اغا تورك الرويني قائد سلاح الاشاعة
------------
مفاجأة: رمضان يوم الإثنين ... إشاعة أطلقها الرويني وقد صرح ان الغرض منها كان رغبته في زيادة مبيعات كارفور
الرويني مش من اللواءات ... الرويني بتاع إشاعات
------------
أقترح أن تستحدث القوات المسلحة فرعاً جديد ألا وهو سلاح الإشاعة ويتم تعيين اللواء الرويني قائداً عاماً للسلاح الجديد
------------
تاكيداً مني علي دعمي اللامحدود للجيش المصري ... حطيت بعشرين جنيه بنزين تسعين من محطة بنزين الوطنيه
------------
الشعب ده كيفه يهين الرموز اللي عاجبه يبقي رمز علي كدا ماشي واللي مش عاجبه يروح الهند هناك بيعبدوا الرموز مش بس بيحترموهم
حتي شوفوا بيعملوا ايه مع البقر؟
------------
عاجل / قرر المجلس العسكري تغير إسم ((صوابع زينب)) رسمياً إلي ((صوابع الفنجري)) وتغير إسم ((كيكة الرواني بجوز الهند)) إلي ((كيكة الرويني بالإشاعات))
------------
يا شعب مصر ياللي سابقه ضحكته ألمه ... ياريت اللي حاول يفرقك الجمعة تشوف ندمه ... ماهو اللي حامي الثورة حراميها ... والشعب اللي مصر أمه قادر يصون شرفه
------------
إحنا عملتا ثورة علشان رمضان ده يبقي رمضان كريم ... رمضان خير ... لكن مش رمضان مبارك خااااااااالص ...
------------
هوا إحنا كدا شعب ما بيعشلهوش حكام ... الحاكم حبة فوق الراس سيد وفجاه تحت رجلنا خدام ... شعب مالوش عزيز ... إلا اللي إحترم نفسه وثار وهد نظام
------------
ياللي هويت الغدر والطبع غلاب ... غدر الزمان أقوي والحال قلاب ... يوم طاير فـ السما ... ويوم الجناج في الجبس متعاب
------------
بامري ممنوع ويجرم كل من يقول رمضان مبارك او عيد مبارك بالسحل لمسافة لا تقل عن 30 متر واللسع 15 قفا عيار تقيل
ولا يلتفت لأي احكام قضائية قد تصدر بالمخالفة للأمر السابق الذكر
يطبق من تاريخ نشره في الفيسبوك الرسمي
------------
لأ مش حابني فوق فساد مرصوص ومسطر ... لما الاول اقضي عليه وبعون المولي طبعاً حاقدر ... أصل بنايا فوق أكوام سوس وديدان ... نتيجته أكيد بلد خربان وفساد أكتر
------------
وانا في الميدان حصلي إنبهار جامد أوي ... شفت الضعيف إزاي أصبح قوي ... شفت الفقير إزاي بالإنتماء إغتني ... والغني جوه الميدان لأخوه الفقير يحتوي
------------
كفرت باللقمة لو كان غموسها الذل ... والعيشة اللي توبها مرقع خراب عـ الكل ... كفرت بالفرعون وهامان والست سوزان ... وآمنت بإن اللي أراده ربنا خير عـ الجميغ بيطل
------------
سلامتك يا مصر من السرطان ... شعبك دكاترة في الميدان ... بيعالجوا مرض من 30 سنه صابك ... بكرة تخفي يا طيبه غصب عن أي جبان
------------
شاورلي بصباعه خفت أنا وكشيت ... رجعت من شغلي من غير غدا عـ الميدان جيت ... اللي شاور فـ وشنا قبلك إتخلع ... وإنتا لما تنخلع إوعاك تقول يا ريتني قطعته ياريت
------------
يابن مصر لسه عندك شك في أصل الحكايه؟ ... لسه مقرفص وبتلطم ومابطلتش شكايه؟ ... هوا اللي لطم قبلك نابه غير حمرة خدوده؟ ... واللي إنتفض فاز ونال المراد ف النهايه
------------
لما حياتك تكون كما القربة وفيها الخروم ألف ... تسد خرم تلاقي القدر علي باقي الخروم لف ... تسد باقي الخروم بعد الضنا ... تلاقي تاني سرسبه واللي سديت بيه لزقه خف
------------
نامت علي كتافي هموم تقال ... طبطبت وحايلت ولا ام عيال ... واقول امتي ينصلح حالك يا هم... رد اللي فاهم ومن امتي انصلح للهموم أحوال؟
------------
إصطدت في ميه عكار طلعتلي بلطيه ... بصيت لها وقلت كان قصدي بوري مشويه ... مصمصت شفايفها وقالت ... العيب ف اللي صاد وإتبتر مهوش فيا
------------
إتقي شري وحاسب ياللي فاكرني ضعيف ... اكمني باقف طابور علي لقمة العيش ... لو كنت شفت يوم ميلاد ثورتي ... كنت من يومها خلعت وآدي وش الضيف
------------
الثورة قامت عشان النظام يتهد ... مش عاوز اشوف ابو دقن وابو شورت واقفين لبعض ضد ... مصر بتقول لولادها ايدك ف ايد اخوك ... حاذي كتف بكتف وأقف قدام اللي رايد خرابها سد
------------
وكل ما احس اني باقرب ... ألاقي صباعي بيتكهرب ... أتاري السلك ملمس ... والكل باصص مستغرب
------------
سحبت نفسي من حياتك غصب عني ... وإنتي اللي كنتي كلي جوه مني ... ولما أصبحتي فيا عدم ... أصبحت أنا باحلم تحني
------------
وشوشت ودع البحر إمتعض ... قاللي علي صوتك إللي إنخفض ... خدوا إيه اللي صوتهم وطي لحد ما إندفن ... دول حاولوا يطلعو جثته الظلم عليهم إنتفض
------------
لما مصر دعت يا رب يدوق كاس الذل داق ... مش هوا دا اللي كان في الكل طايح ولشعب الغنم ساق ... أدي الرغية قامت علي الراعي الخسيس ... وسجن شرم الملوكي اللي بناه بيه وبحيزبونه ضاق
------------
مش ممكن اللي بيحصل في اليمن مش طبيعي ... الله يخرب بيتك يا حسني يا مبارك
------------
إستبحتوا دمي ليه خليتوه سداح مداح ... هيا كرامتي مش أمانه والعدل أصبح متاح ؟ ... ولا عملنا ثورة وفيها متنا ... هوبا جالها عو الفلول خدها وراح
------------
ياللي بتتخانقوا علي الثورة عيب اختشوا وبلاش خناق ... الواحد من هبلكم خلقه داق ... قدامكم جمه والتانية ... اما الصلح بالتراضي او إتقوا شري اللي فاق
------------
مسلمسيحي = مصري ف الوطن إخوان ... واللي بره السرب مالوش علي أرض بلدي مكان
------------
لو عاوز تقول جاااااي قلها بصوت عالي ... الصبر صابر ونفاذ الصبر غالي ... واللي إنجبر علي صبر مهوش قده ... يرضي بصبره لما يشوف حالي
------------
خايف اتكلم يقولوا عميل ... عامل ثاير وهوا عويل ... نازل سبعة وعشرين يخربها ... امال اسيبها لحد ما يرجع فرعون ورجالته وابقي في نظر الخسايسه جميل؟؟؟
------------
نازل الميدان وشايل كفني ف احضاني ... يا إما أموت بشرف يا إما أتولد تاني ... دا حتي الشهدا يا بختهم ... احيا ومصر قالت عنهم أرواح ولادي الشهدا حامياني
------------
واقف علي بابك بأدبدب بإيدي وأخبط ... لا كفي وجعني ولا طول القهر لعزمي هبط ... طول ما الأمل لسه فيه الرمق بادي ... حافضل مرابط وعـ اليأس حـ أستعبط
------------
شايفك امل جوة العيون بينادي ... ولما أرد الندا فـ دلالك بتتمادي ... وتتدلعي علي اللي في العشق هايم ... ولما ألوم تقولي وماله شيء عادي
------------
لما قالوا العقل زينه قلت آه ... وأما شفت ناس مارينا قلت ياه ... ولما ثرنا عـ اللي ظلمنا ... مات فـ قهره وإبتدت فينا الحياه
