قايمه ما قعدتش

كان ياما كان
يا سعد يا كرام
ولا يحلي الكلام
إلا بذكر رسول الأنام
عليه الصلاة والسلام

كان فيه واحد وواحده
واحد زهق من الوحده
وهيا عـ الوحده مش واخده

شاريها وشارياه والحب كان بينهم
كل أحلامهم يتجمعوا في بيتهم
قال آن الأوان اقابل بابا
قالت له وماله أبويا اخر طيابه

أبوها قابله أهلاً بإبن الناس
وسلام بالإيد وعـ الخدود باس
دخلوا في الموضوع والعريس محتاس
عاوز لبنتي دهب كتير مش حاقول ماس
والشقة ترد الروح وتنعنش الإحساس
أما العفش ولوازمه
رد العريس كله عليا يا عمي مـ الساس لحد الراس
أبو العروسة فرح وقال أصيل من الأساس

شوف يابني بقي وعـ النبي صلي
عليه الصلاه والسلام يارب يشفعلي
تكتب لبنتي قايمة عليها توقعلي
بإننا إديناك العفش كأمانه
ووقت ما أطلبه فوراً يرجعلي
ولا فيش حجج فارغة ولا عذر يطلعلي
ولو كلضمت ولا علي صوتك
القسم موجود والقايمة تشفعلي
أجرسك وأشردك والقاضي يسمعلي

طب يا عمي حاتكتب البنت فـ القايمه؟
مش برضو بنتك عندي امانه صاحيه أو نايمه؟
ولا الكرسي والحلة امانه ومحتاجين قايمه؟
والبنت ذات نفسها عنها الحقوق صايمه؟

يا ابو العروسه المعادله محلوله
دور لبنتك علي أصيل من دوله
ولو لقيت إبن الأصل والعيله
اللي يصونها وتكون عنده الحيله
يطبق شرع ربنا في الصبح والليله
اللي تآمنه علي أم عيون كحيله
يبقي مالوش لازمة القايمه والنيله
لإن اللي تآمنه علي لحمك ودمك
تآمنه علي شويه خشب وشخليله

صابرون

أهلي في غزة صابرون
حقيقة أنهم محاصرون
ولكنهم رغم ذلك مرابطون
أهلي إن إشتد البلاء فيهم صبروا
وعداهم وإن لا بلاء فيهم جزعوا
إن الصبر في بلدي غدا جبالاً
وعدوهم بعض هزة أرضية سرعان ما تخبو
وليس زلزالاً
وكلما هم الغزاه بدحرنا
وبالعتاد والعدة تزودوا وإزدادوا
دحروا بفعل الصبر في اعماقنا أو كادوا
وتحولت جبال صربنا حجارة في ايد اطفالنا
صنعوها منذ ميلادهم أسلحة وعليها إعتادوا
كلما تمادي العدو في قصفهم
إزداد أطفالنا في عنادهم واحجارهم زادوا
وإذا ما اضرج شهيد في دماؤه
صاحوا هلموا يا رفاق ونادوا
حملاً علي الاعناق زفوه لأمه وتنادوا
مرحي يا ام الشهيد بنيك قد ولد
فما بغير الشهداء تحيا أرضنا والعدا يبادوا
مرحي يا ام الشهيد وليدك حي
ومن هم دونه من جزعهم بادوا
فكم من الشهداء نحسبهم قتلي
ونراهم بين عشية وضحاها بيننا عادوا
مرحي يا ام الشهيد إبنك لم يمت
قد صدق الشهداء عهدهم وما عنه حادوا

إرحل

إرحل
إرحل وعارك بين يديك
إرحل فما الحمرة إلا دماء الأبرياء
لطخت وجنتيك
إرحل فقد طال البقاء
إرحل غير مأسوف عليك

إرحل
وقبل الرحيل تزود بزاد السعير
ام يكفيك ما لديك؟
خد من بطانتك بصاصاً
يكن لك في طريق الجحيم عينيك
وخد للاثر قصاصاً
فطريق الطواغيت وعر عليك
وخذ من اهلك إمرأة
أنهكتها الكهولة كما أنهكتك
وأبناء تربوا من حرام
مال استحللته لديك
وبطانة عاثوا فساداً تحت ناظريك
إرحل وأسرع في الرحيل
فقد إشتاقت سقر إليك
إرحل بصرة من دعوات الثكالي
وصره ملؤها ذنوب من في كنفك تجبر وتعالي
وهذه صره فيها المصائب تلو المصائب تتوالي
وهذه جعبة فيها الخلاصة أقوالاً وأفعالا
هل اصبح الدين ثقيل؟
إرحل فقد آن الرحيل
إرحل وعارك بين يديك
إرحل غير مأسوف عليك
إرحل

ستيتوساية واحد مفروس

ظابط بشناب ونضاره بيضرب بنات ياللعجب ... دي شجاعة ولا رجولة ولا قلة ادب؟ ... لو كان فيه احترام للمصري وكرامته ... كان اللي زيه حمير في الشوارع تتركب

هدنة

خلاص حابطل كلام
وحابقي آخر تمام
وحاسمع كلام النظام
مـ انا خايف أصحي من نومي
ألاقيني بايع هدومي
وشايل أطنان همومي
وعـ الليمان مترحل
والعدل إسود مكحل
التهمة مش مهمة
والجته كلمنجي رمة
والحكم مفيهوش ذمة

خلاص حـابطل كلام
وحابقي اخر تمام
وحاسمع كلام النظام
خلاص حاعلنها هدنة
ومن النهارده مافيش
لا شعر ولا تناتيش
ولا شعر يهاجم ده
ولا قول يضايق دول
ولو تاني فتحت حنكي
قادرين أبات مسحول
خلاص حاعلنها هدنة
وماحدش تاني حايقرأ
ويرد لي بـ منقووووول
بس ...
إن حتي غار الغول
غولته مخلفه غول
والغولة وغيلانها
إن جاز ليا القول
قاعدين علي جيوبها
ومشعللين توبها
وبرغم ده
خلاص حاعلنها هدنة
من هنا وعلي طول
لو عندي شعر حاقول
مدح فـ عمايل الغول
وصاجاتي حاتشخلل
لوريثه الغلغول
ربي يغولكوا
ونيابكوا تزداد طول
علينا بس غيلان
وبتيجوا عالغلبان
ولو حصل عدوان
تجروا جري فيران
فاكرين لما زمان
كنتم ولا حاجة؟
والنهارده كمان
إنتم ولا حاجة
ولما بكرة يكون
برضو ولا حاجة
اصل المعادلة
مهياش محتاجة
اعمالكوا مكتوبة
محسوبة
ماهياش فـ العشرة مضروبة
أعمالكوا حسبتها
واحده بواحدتها
ملايكة تثبتها
فـ كتاب تثبتها
والاجر عند الله
يادي الخيابة عليا
مش قلنا هدنة؟
قلنا ما قلناش
لو السكوت بفلوس
كلامي مش ببلاش
وكلامي رزقه كبير
اخلاص وصفو ضمير
مش رقص عـ المزامير
وطبل عـ الواطي
إرحل يا غول متغول
كفاية اللي اتحول
كفاية الخراب متغلغل
عمرك خلاص بيروح
وحايجي وقت النوح
ساعت طلوع الروح
وحساب يوم الدين
ساعتها يا سي الغول
ترجع تاني تقول
يا رب رجعني
اعمل اللي ينفعني
وينفع بيا الناس
ترجع فين يا حويط
بينا وبينك حيط
ولو بينا فرده خيط
بالعاني نقطعها
إرحل وسيبنا نعيش
أصل اللي باقي مافيش
واختم كلامي وأقول
خلاص الهدنة مافيش
يا نموت بكرامتنا
يا فـ الحرية نعيش