الاثنين، 8 أبريل 2013
العبد
مستخلص نبات الصبر دايماً طعمه مر ... والعبد طول ماهو اسير يتمني يبقي حر ... ولو صادف ف يوم وإتعتق ... يدور علي سيد جديد قبل ما اليوم يمر
الدنيا
الدنيا مخلوقة عشان تتعاش ... ماشية في طريقها متستناش ... يا تركب فيها يومين ... يا تفوتك وما تعشهاش
مالوش لازمة الكلام
كلامي لا يجيب ولا يودي ... يدخل من الودن ومن التانية يعدي ... عقلي علي قده وعاجبني ... شايفني في المراية عبقري ومين قدي
حكمة مهلوس
لما الحياه تفضي نقطة نقطة ... وجراب الزمن يحوي فراغ ... يبقي الموت بضاعة لقطة ... والفنا شيء مستساغ
سنارة صيد
لما أطعم كل يوم وأرمي جامد ف الغويط ... تغمز السنارة ألمها حبة حبة آل إيه حويط ... تطلع السنارة فيها وهم علي حبة خيابة ... شافني خبير قاللي طعم عدل شكلك عبيط
الاشتراك في:
الرسائل (Atom)
