اخرس خالصاياك تنطق
وطي وطاطي
لا الحيطه تطبق
خليك ساكت
وبلاش تصبأ
خليك راضي
أو مغصوب
خليك طيب
أو مضروب
كله مطاطي
والصوت واطي
قابل ياخد بالشلوت
بس يا مصري كفاية سكات
دا اللي سكت علي حقه مات
قول الحق وما يهمكش
بكرة الحق يعلا رايات
حاتشوفه ف كل ميدان
والثوار حايكونوا آيات
والحريه تشوفها عيونا
ونحكي لولادنا عن الثورة
اجمل حكايات
قالوا المصري بطبعه خنوع
قلت المصري مات من الجوع
قالوا المصري مش حايثور
قلت بكرة نشوف النور
قالوا المصري جبان من يومه
قلت المصري قام من نومه
قالوا مصري بيحب الريس
قلت اهو ده مجنون ومهيس
ليست هناك تعليقات:
إرسال تعليق