بلدنا الجميلة

في بلدنا كل حاجة جميلة
حتي نهرها نيل ماهوش نيلة
وفيها تلاقي دفا الأهل والعيلة
في بلدنا كل حاجة جميلة

في بلدنا الكل مرتاح ومبسوط
لا حد عنده نكد ولا يبات منقوط
والقوت بأشكاله عـ السفر محطوط
في بلدنا الكل مرتاح ومبسوط

في بلدنا شوارع متسفلتة حرير
العفشجي مهنة اختفت يمسيه بالخير
وفي الشتا لو مطرت تنفتح مجارير
في بلدنا شوارع متسفلته حرير

في بلدنا مفيش جباية ضرايب
لا من الغني ولا حتي مـ الخايب
والدولة مواردها مش سرقة ونهايب
في بلدنا مفيش جباية ضرايب

في بلدنا العزيرة كلنا واحد
لا فيه حاقد ولا للخير جاحد
ولا حد بسلطته يكون مارد
في بلدنا العزيرة كلنا واحد

في بلدنا لو كلت ورحت نايم
يجيلك منام زي دا وتفز قايم
تلاقي نفسك يا كبدي كنت حالم
بلدنا كلها كابوس يخلص امتي
:
:
:
ربنا العالم