وقفة رجالة

وقف الزعيم وقفة رجالة
هأو
الأسي طل من عينه
ولو
وقف معاه هشك وبشك
نااو
وقف معاه كل أهل
السو
عادل إمام الخزي واقف كأنه
عو
يخطب والريحة فايحة معبأة
الجو

آل إيه الجندي مات برصاص
فلسطيني
يا كبدي علي نظرة الحزن
يا عيني
جعجع يا زعيم قول
وإشجيني
وبلع كلامك بكاس وسكي او حتي
مارتيني

كانت فين وقفتك
عصبيتك
حمقتك
لما الصهاينة قتلوا جندي
بدم بارد حضرتك
ماطلعتش ليه صرختك؟
ولا اللي منعك كانت اوامر
من ولي نعمتك؟

من مثلك مش مطلوب أي إنفعال
حتي شهادتك في المحكمة شيء محال
مشخصاتي ممثلاتي نصاب او محتال
فيلم الغضب تمثيل رديء بافتعال
اللي جاي حايكون آخر المقال
مثلك يترد عليه بضرب النعال