جولة حوارتيه

في حتة من قلبك
يا مصر
حارة من حواري
مالها حصر
أخدت جولة ساعة
ادان العصر
نوسة واقفة علي بابها
وكانه قصر
وعبدو المنجد صبعه مغرغر
وعايزله بتر
وفكيهة قاعدة بتبيع هجايص
والاسم عطر
وعيال بتلعب عاملينلي فيها
آل يعني قطر
وسامي الكلابجي عمال بيشوي
وكاتب ارزقنا ستر
وفرن بلدي عليه مجازر واللي يحصل
رغيف دا نصر
والواد عبادة لامم عيال
وهاريها فشر
والحج زلفي وقع ف حفرة
فضل يبرطم ويقول دا قر
سيد قريبه شاف رجله قاله
دا شكله كسر
قعدت ماشي نفسي اشوف
حاجة تسر
لقيت تكافل وحبة تضامن
لو مش حاينفع
مش راح يضر