قاتل . . . ومقتول

المشهد

خارجي داخلي
نهاري ليلي
وآآآه يا ويلي
القتيل في دمه سايح
واللي قتل قاتل ودابح
شيطانه راكبه وكلبه نابح
آل إيه دا تار وحق واضح
لا يا عويضة دا فعل فاضح
دا عار عليك وشر كاسح
كفايه غل وحقد ومدابح
دا تار أبوك؟
يا ولد اللي إنقتل مات واندفن
للدنيا لم يرجع ولا يفوت الكفن
ولا فعلتك ترضيه ولو طال الزمن
أصبحت قاتل كمان والوضع احتقن
عجلة صراع دايرة ماليها العفن
اللي يبات تحت رحاها ينطحن
تزرع صراع
تجني مرار
وتدفع فيه
أغلي تمن