عمدة الكفر حدانا

بأحبك يا عمده

عشان إنت طيب
بأحبك يا عمده
من شعبك قريب
بأحبك يا عمده
صابغ مش مشيب
بأحبك يا عمده
دا عمرك ما تكدب
باحبك يا عمده
انا شكلي باهيس

---------------
بأحبك يا عمده

بأقولها بعلو صوت
بأحبك يا عمده
أقولها إن شا الله أموت
بأحبك يا عمده
أكسيك واعيش سلبوت
بأحبك يا عمده
أنا سمكة وإنتا حوت
بأحبك يا عمده
لو أعيش مش لاقي قوت

---------------
بأحبك يا عمده

إياكش ياكلني الدود
بأحبك يا عمده
علشان ذالل اليهود
بأحبك يا عمده
أقولها بتناحة و برود
بأحبك يا عمده
عشان معاك بـ نلود

----------------
بأحبك يا عمده

بأحبك وأقولها بكل اللغات
بأحبك كلام أو تهتهات
بأحبك بصوت أو من سكات
يقولها اللي حي وحتي اللي مات

---------------
بأحبك يا عمده

بأحبك عشان قانون الطواريء
بأحبك بشدة من جوة المخابيء
باحبك وطز في كل المباديء
بأحبك بعنف وأهو كله تواطوء

---------------
بأحبك يا عمده

ولو كلت عيش بدون الغموس
بأحبك يا زووء
ولو إني عايش معاييش فلوس
بأحبك يا كابتن
ولو عشت حياتي زي التيوس
بأحبك يا إشطة

ولو سلوكك سلوك الجاسوس
بأحبك يا سونة
ولو جالي ملاريا من قرص الناموس

--------------

بأحبك يا عمده

نشيد بناخده في كتاب النصوص
باحبك يا عمده

لإن من غيرك لازم نلوص
بأحبك يا عمده

يا مخضر بلدنا وزارعها بوص

------------
باحبك يا عمده

أنا اصلي فقري
أو قول منحوس