هلوسة بالإكراه

عمال اهلوس وأكتب
وآل إيه فنان
كل ما أبص لنبشي أقول
دا كله جنان
مالك يا مخي ماتهدا يقولي
مش همدان
اللي باشوفه عجب يخلي
الصحيح تعبان
اللي سرق واللي قتل
والمختلس هربان
واللي غرق في البحر واللي
هرسته القضبان
ومش عاوزني أهلوس وأكون
كمان غضبان؟
دي الدنيا سبع ألوان وبلدي
اللون بهتان
نفسي أشوف الحق موزون
في كفة الغلبان
وما اشوف فيكي يا بلد حد
شكله جعان
وإن فيكي حد مرض
علاجة بالمجان
ولا يطغي علينا حاكم
باغي ولا جربان
ولا يستحل شرفنا
إنسي أو حيوان
والمصري يرجع مصري
ويسموه إنسان