موكوس

مصر يا إسم بلادي
بأعلي الصوت حأقول وأنادي
مصر حاتفضل غالية عليا
مصر حاتفضل ضي عنيا
مصر نموت وتفضل هيا
مصر اللي حررها إبن العاص
ما تقوليش دي تاريخ وخلاص
مصر الماضي والمستقبل
مصر تاريخ للي بيسأل
مصر الحرة محدش يزعل
لو فاكرينا مفعول بيه
المصري كمان يقدر يفعل
بس نقول وحانعمل إيه
علي وحدتنا لازم نزعل
شوية بربر حاكمهم لوبي
بلطجوا علي شعبي حبيبي
ليه الحقد؟
كوني مصري ماهوش ترتيبي
لكن مش حاسمح
بمهانة اخويا ولا قريبي
كورة إيه اللي تفرقنا
وتهدد ولادنا وأعراقنا
نسيتوا اللي بيحصل فـ عراقنا؟
ولانتوا خلاص فاضيين؟
ورا الكورة ماشيين؟
والعالم عليكوا ضاحكين؟
واللي إحتلوكوا وقتلكوا
رايحين في بيوتهم خادمين
وأرجع وأقول إخواتنا
من ولادتنا لحد مماتنا
لكن الإخوات يتربوا
ويعرفوا إزاي يتحابوا
مش للكبير يسبوا
يعني إخوات عالعين والراس
لكن التربية مش فـ الكراس
اللي غلط لازم يتحاسب
علشان علي أفعاله يحاسب
ولو فكر إنه فـ ماتش كاسب
يعرف إنه أكيد خسران
عايش موكوس ويبات وكسان