قرفان بس عندي أمل

قرفان بس عندي أمل
إسمعني من غير ملل
وياريت تقول لي إيه العمل


حواري مغمورة
وبشر مطمورة
وحقيقة مبتورة
وسكك محفورة


وحيطان مايلة
وبيوت للسقوط آيلة
ومشاهد للكلام قايلة
والإسم في الآخر دولة


ياما نفسي أشوفك
يا بلدي عزك يزينك
و نرتوي من حنينك
ولا يوم واحد يدينك
ننام وتصحي عينك


تحمينا من روحنا
وتضمدي جروحنا
سمعانا لو بحنا
بأفرحنا وطروحنا


تعبنا يا جميلة
وبقينا شخليلة
نهارنا بقي ليلة
والظلم بالكيلة
والحاكم بلا نيلة
زي أمنا الغولة


كاتم علي قلوبنا
لا راح ولا سابنا
متلذذ بعذابنا
مضرضر أنيابنا
وناهب تعبنا
يا مصر يا جنه
إصفحي عنا
ماهو إحنا قصرنا
في حق إخوانا


وبدال ما نتكفال
بدأنا نتسافل
ونقل في أدبنا
وندمر شبابنا
ونجري ورا خرابنا
بإدينا وقلوبنا


لو بس شبابك يفوق
يبطل كسر عين ويبص فوق
يشوف مستقبل في ضوء شروق
ويبتدي من نفسه بأدب وذوق
ويعرف إن العدل إحقاق حقوق
والدين أصل الحياة وما فيش فروق
إلا اللي يشتغل بذمته غيره يفوق
وحلاوة خيرك يا مصر لازم يدوق