خير مصر

يا خير مصر
يا طرح نيل
غنا ومواويل
لما احب أنعتك
نعتك جميل
... شباب غار
ثار وإستثار
نخوه رجال
عملوا المحال
والهمه عال
ولسه الفساد
تلال ... جبال
لكنهم
ويا سعد مصر
وسعدهم
كما الوتد
لما يتدق
يصبح سند
لكنه وتد نوعه عجب
له جواكي جذور مالها عدد
لو ينزعوه من جوه أرضه
يرفض يسيبك للأبد
يحرقوه ... يقطعوه
ينبت مكانه مليون وتد
وهوا بعد ما كفنوه
جوي طينك يدفنوه
ويصبح رقم ضمن العدد
ترجعي بعد السنين
تحضنيه
تطمنيه
تقولي ليه
هما ديدان عـ الارض ماشي

وإنتا يا ضنايا الولد