شخبطيطه

شكيت الناس تكون غارقه
وانا غارق
جايز الناس تكون فارقة
ومش فارق
حبيت الناس تكون صادقة
وأنا صادق
لقيت الناس قلوب كارهة
بتتحادق
طيور جارحه
بتتخانق
ألسنه بألفاظ نابية
بتتراشق

وفيه ناس قلوب صافيه
حبها ناطق
ومشاعرفي القلوب دافية
بحرها دافق
وخيرها بحور جارية
والكل ليه دايق
عروق الطيبة فيها ساريه
والكل لها عاشق

فيه كدا وكدا في الحياه ناس
والرك عـ الأصل
ويفضل الصدق سيف الحياه
وليه نصل
خلاصة القول والفصل

الخسيس مسيره بالمداس ينداس
والأصيل علي راسه بالحب ينباس