راحت فين أنفلونزا الخنازير؟
واللي كان عاوز يملين
وأحلامه بدأت تطير
مش كان صاحبنا
مرض جداً خطير؟
ولا التصاريح النارية
من ديوان سيدنا الوزير
وإفتحوا قبورجماعية
أكبر من ترب الغفير
والطعوم دي ميه ميه
إسألوا حتي المدير
الإشاعات دي مفترية
إكتموا وبلاش جعير
الطعم دا أوروبي خالص
وعـ الحياه مفيش بوالص
عاوز تاخد الطعم زيح
ماعاوزش موت وإستريح
لكن تبقي واحد مقيح
وفي الجرايد تقعد تسيح
وتلسن عـ الوزير؟
طب الوزير دا ذنبه إيه؟
دا الغلب بادي عليه
ولو الأمر فـ إيديه
كان وفر تمن الطعوم
وحقنكم دي .دي.تيه
يا شعب الغبره كفايه
بطلوا شكوي ونكايه
الوزير دا كل جمعة
بيصلي لابس عبايه
يدعي فيها للضحايا
اللي ماتوا بدون شكايه
واللي مات من غير ما يسأل
مين السبب في مبتلايه
واللي كان عاوز يملين
وأحلامه بدأت تطير
مش كان صاحبنا
مرض جداً خطير؟
ولا التصاريح النارية
من ديوان سيدنا الوزير
وإفتحوا قبورجماعية
أكبر من ترب الغفير
والطعوم دي ميه ميه
إسألوا حتي المدير
الإشاعات دي مفترية
إكتموا وبلاش جعير
الطعم دا أوروبي خالص
وعـ الحياه مفيش بوالص
عاوز تاخد الطعم زيح
ماعاوزش موت وإستريح
لكن تبقي واحد مقيح
وفي الجرايد تقعد تسيح
وتلسن عـ الوزير؟
طب الوزير دا ذنبه إيه؟
دا الغلب بادي عليه
ولو الأمر فـ إيديه
كان وفر تمن الطعوم
وحقنكم دي .دي.تيه
يا شعب الغبره كفايه
بطلوا شكوي ونكايه
الوزير دا كل جمعة
بيصلي لابس عبايه
يدعي فيها للضحايا
اللي ماتوا بدون شكايه
واللي مات من غير ما يسأل
مين السبب في مبتلايه
ليست هناك تعليقات:
إرسال تعليق