قررررب يا مواطن ... قرب يا عويل
اديني صوتك وخليك ذليل
وخدلك ورقة بميه علي جتتك حار وويل
اديني صوتك علشان اسرقك
وفي سوق الرقيق اسوقك
وبزرع مسرطن اشبرقك
صدقني انا غرضي شريف
عاوزك تعيش جيبك نضيف
هدومك ما فيش ماهو كله صيف
واعيش انا اخر حصانه
أوافق علي اي قرار بكل رصانه
واركب عيالي علي كتاف عيالك
ماهي حضانه
بص يا مصري يا غالي عليا
نديني صوتك تديه لغيري اهو برضو ليا
ناجح وغضب عن عين جنابك المستحيه
واول قرار اقلب يا مصري خروف بليه
ليست هناك تعليقات:
إرسال تعليق