وبعد اللي فات فيه ماهو آت آت
وليس ماهو آت كما اللي فات
والانسان علي طول بطران
ولا عاجبه اللي فات ولا حتي اللي آت
ولو الحاجة راحت ما جات برضو حايفضل يقول
يارب هات هات
-------------
كل ما طيفك يمر ف خيالي
افتكر ايامي واحوالي
وخروبك يزغزغ مشاعري
واقول ااااه علي يوم فطاري
علي كورنيشك يا بلد
مع اصحابي ومعايا كبير عيالي
------------
ذرتك متفاعلة في خيالي
نووت مشاعري وآأمالي
وانشطر قلبي علي حالي
نيتروني انكسر واتكعورتوامالي
اقابل سمسم قريب ولو تالي
بس أهو وعد يجي ولا جالي
-------------
حكمة
حاسب يابن آدم . . . لاتدوس علي رجلي
--------------
قصباية مزعزعة بسناني عضيتها
فاكرها سكر لكن المرار شر من خيبتها
قلنا لسمسم تعالي ودماغك حانبسطها
قلي مستني واديني قاعد في بيتها
قلت اللي يستني ولا تحركش عمل زي خيبتها
--------------
لمن لموني انعصر وبذره في الكوباية وقع
قلبي من المفاجأة انفجع
والسكر السنترافبش عند الدوبان امتنع
ياقلي يا دايب دوب اصبر وخليك جدع
--------------
أفلسع مشاعري لمن اشاهد طلتك
واشعر في جمال وحسن وقفتك
ويا خراشي منها قعدتك
ولا في العصاري تحت السجر رقدتك
بهانة يا عمري هيا حكمة
النفس خلوة والنفس ماتت من كتمتك
--------------
جالك نوم يا سونة وشعبك جعان
طب اتخمد خمدة المفتري واللي خان
تنام ما تقوم ولا يبكي عليك انسان
تتوكس يا منيل طول عمرك ندل وجبان
--------------
ضربوا الاقرع علي راسو قال مافيهاش شعر
ضربوا الاعور علي عينوا قال ماكافاكمش الاقرع؟
مفتريين بتوع امن التكيه دول
--------------
معلم
طب سلم
او حتي اتكلم
لكن تسكت كدا وتبلم
أهو دا اللي في القلب يعلم
وانا من هجرك وغدرك وجوعي باتالم
معاك كباب اجري اطفحه اياكش يا بعيد تتسمم
---------------
حزومبول زن في وداني
سديتها بقطنة آآآه ياني
يا حزومبول سيبك مني آني
انا عقلي مفسكن وشراني
لو سبتو عليك حاتعاني
حزومبول من يومها مزنش تاني
---------------
شبل شبشب بشبشب شباشيبي
شب وبرضو شبشب بشبشبو الشباشيبي
شاب ولسه بيشبشب بالشبشب الشباشيبي
من شب علي شبشبة شاب مشبشبها
---------------
زنكلوني افندي لبس الطربوش واتقمع
برم شنباته وظبط الياقة والجزمة لمع
علي شغله نزل مع نحنوح علي المحطة اتجمع
جه الاتوبيس ركبه ومن الفرح عينه بتدمع
وصل صاحبنا المصلحة وعلي الارشيف راح يتدلع
ضاع النهار هيء وميء واتشخلغ
مروح زنكلوني افندي وكان الجو مولع
شرا بطيخة حمرا مرملة وقلبها ملعلع
وهوا طالع المسكين علي بوزة اتكلكع
اندشت البطيخة وكان الجزا ان القفا من المودام اتسكع
----------------
تضرب ماتضرب مابيحوقش
الجتة لو ماتت احساسها كمالدبش
اضرب وقسم علي ضلوعي واكتافي
م كله سلف ودين والدين رده لازم يكون كافي
اضرب واملا كفك الم لو كان الالم بينطق كان اتكتم
مخبرتش فوق كل متجبر جبار وفوق الكل الواحد القهار؟
اسمع يا مفتري كلمة من الغلبان حسبي الله عليك في كل ادان
to7fa ya sameh
ردحذف